უსახელოური ადგილობრივი უნიკალური წითელყურძნიანი ვაზის ჯიშია. გავრცელებულია ცაგერის რაიონში, ძირითადად ზუბი-ოყურეშის მიკროზონაში, რომელიც მდრებარეობს მცირედ დაქანებულ ფერდობზე.

ყურძენი უსახელოური იძლევა მაღალი ხარისხის ბუნებრივად ნახევრადტკბილ სუფრის წითელ ღვინოს, რომელიც ხასიათდება ლამაზი ლალისფერი, მწიფე ბროწეულის ფერით, ჯიშური არომატით, სასიამოვნო სიტკბოთი და შემადგენელი ნაწილების ჰარმონიული შერწყმით. დამზადებულია ქვედა ზობი-ოკურეშის მიკროზონის ტერიტორიაზე უსახელოურის ჯიშის ნარჩევი ყურძნისგან. ვაზის განვითარებისთვის გამოყენებულია მხოლოდ ორგანული სასუქი.